letters from the lost days

Dolphin, Рэактар

2009-11-08T12:24:02Z

Нягледзячы на сьвінны грыпп і маленькую эпідэмію аддаю-халяўны-квіток-забірай (сыходзячую часам ад зусім нечаканых людзей), заля была поўная. Як і чакалася, слэм быў маленькім і трошкі дзіўным. Аднак атмасфэра стварался неверагодная. Усё ж Дэльфін умее ўплываць на мазгі.

Першая палова канцэрта была неверагоднай. Амаль адразу ж як я палез у натоўп пачалася нейкая вяласьць, чым і скончылася. Вяласьсь нават не выйшла на біс, ды й публіке, здаецца, той біс не асабліва быў патрэбны. Гэта трошкі сапсавала ўражаньне. Але у цэлым дэльфінчык і малюначкі на сцэне былі крутыя)

Раптам зіма. Зіма заўсёды навявае ўспаміны.

сацапытаньне

2009-11-08T01:02:18Z

Ты пойдзеш на Guano Apes у сьнежні?

тыц тыц

Braid

2009-11-07T17:49:16Z

Думаю, шмат хто ўжо чуў ці прайшоў гэтую гульню, але ўсё ж напішу пра тое, што яна класная)

Стары ўсім вядомы Марыо з іншым акварэльным яскравым дызайнам, загадкавай атмасфэрай, не жартоўнымі задачкамі і філязафічнай гісторыяй пра каханьне і ядравую фізіку. Не шкада патраціць 100 мб на спампоўку з нэта і правесьці колькі вечароў за загадкамі пра час і прастору. І так, у мяне не хапіла цярпеньня каб сабраць усе зоркі і адкрыць хэпі канцоўку)

Стакгольм

2009-11-01T11:15:47Z

Сустрэў нас амаль ужо паўднёвы горад амаль ужо паўднёвым холадам. Па ім мы хадзілі амаль увесь дзень, зладзіўшы сабе культурную праграму і па сумшчальніцтве пратопаўшы ад парома да гатэля пехам, што заняло амаль увесь дзень) Па шляху пабачылі стары горад Гальмастан, зьмену вахты ля каралеўскага палацу і стосы сувеніраў у крамах. Праўда, з крамамі была невялічкая замінка: прыкладна чацьвёртую частку нашага знаходжаньня ў сталіцы Швецыі мы шукалі абменьнікі. Іх там проста няма, ані ў банках, анідзе. Банкаматы адны. Таму тусіць пачалі толькі пасьля таго як адшукалі нейкі страшнаваты форэкс з вялікай камісіяй. А вось марнаваць грошы было на што)

Па ўсім горадзе віселі афішы Muse, як і іншых гуртоў, чым мы адразу ж скарысталіся, што скончылася сустрэчай з ахоўнікам правапарадку, які на добрай ангельскай сказаў, што калі мы зьдзіраем, дык нармальна, галоўнае каб ня вешалі. Што даволі дзіўна, бо афішы гэтыя зьмяняюцца кожную раніцу) Канцэртаў добрых там шмат, жадаў б я мець магчымасьць езьдзіць на кожны) Трэба адзначыць таксама, што на ангельскай тут размаўляюць амаль усе, ня тое што ў Бельгіі. Пару разоў нам казалі і проста "спасіба". У мэтро ж машыніст наўпрост размаўляе і жартуе з пасажырамі, а тыя машуць яму пры выхадзе. Але ўвесь шык мэтро можна пабачыць на фотках, якія паді пад катам.

У мэтро амаль кожная станцыя размалёваная мастакамі, адна з ліній прарубленая наўпрост скалах, і вельмі класна ехаць на эскалатары па доўгай блакітнай пячэры ці разглядаць дзіцячыя малюнкі на сьценах) Шмат пра Стакгольмскае мэтро можна пачытаць на сайце жаночай паловы sinonimy (менавіта ён мяне і падштурхнуў на яго дасьледваньне) Праўда, мы так і не зразумелі прынып яго аплаты, і каталіся на адным квіткі больш за дзьве гадзіны, што дадавала экстрыму.

Калі мы зьязджалі, Стакгольм плакаў і смуткаваў. Але мы яшчэ абавязкова вернемся)

тэст: беларусіканянавісны пост

2009-10-31T09:31:17Z

Вы заўважалі, што на большасьці афішаў беларусікі дублююць замежныя назвы на расейскай мове? Сумняюся, што на гэта ёсьць нейкая дырэктыва, хутчэй гэта ініцыятыва саўковых жанчынак, ня ведаючых мовы. "Інвайдэрс маст дай", скажыце? А навошта дубляваць расейскай назвы туалетнай вады і абутку, ці, напрыклад, "Мэрылін Мэнсана"? Няўжо нехта паедзе ў музыкальны трып у піцер каб пабачыць мэнсана і ня ведае, як ён чытаецца? Гэта нешта з воперы надпісаў "жывы гук" на афішах канцэртаў розных "Любэ". Навошта туды хадзіць калі б ён ня быў жывы.

Рыга

2009-10-29T22:44:54Z

Што ў Рызе ні музей ці помнік - то пра 91ы год. Ля аўтавакзалу страшны вялікі рынак якіх я даўно ўжо ня бачыў у нас, Дзьвіна шырокая, а стары горад класны. Амлет у Даблкофі смачны, чырвонае піва ў сярэднявечным пабе - смачней) Шкада, што з прыбалтыйскых краінаў я пакуль наведаў толькі адну, але ёсьць куды імкнуцца)

Паміж нашым прыездам з Мінска і адплывам у Стакгольм у нас быў дзень і шчэ дзень назад. Першы быў трошкі змазаны жудаснай прагай сну, а другі - цяжкімі сумкамі з H&M, але гэта не перашкодзіла атрымаць асалоду ад горада) Дзіўна, што ўсяго за адну ноч пераезду і нават без дагляду рэчаў на мяжы існуе цывілізаваная краіна з бельгійскімі і мексіканскімі барамі ды прыгожымі царквамі. Галоўны горад, праўда, маленькі, і, абыйшоўшы яго за першую палову дня, мы заселі піць. Потым пратопалі па двух вялізных мастох, з якіх ледзь зьлезлі. Дзіўна назіраць саўковы ўнівер у маскоўскім стылі, пабудаваныя побач адна з адной пад ім драўляныя хаты (думаю, недзе так выглядаў зьнесены стары менск) ды прыгожыя касьцёлы. На адной з вуліц ля рынку натыкнуліся на ружовую драўляную хатку і я пажартаваў, што гэта, мо, амбасада Беларусі, але гэтая амбасада апынулася наўпрост праз дарогу) Фоткі пад катам.

Да дзесяці ў горадзе нічога не працуе, таму каб патрапіць на гэтую пляцоўку на вежы нейкай рэлігійнай штукі, дзе цётка на ўваходзе пытае "інгліш о рускій", прыйшолося пабадзяцца па ранішняму гораду.

На магніце, што я як любы адказны спажвец і гопнік-падарожнік набыў у першым жа сувенірным шапіку, кот сядзіць на сьцягу Латвіі. Праўда, пухнатых латшоў мы сустрэлі ня так шмат.

Ну і паромчык, на якім мы ўвечары адправіліся ў Стакгольм. Упершыню быў на такім караблі, таму ён выклікаў моцную асацыяцыю з тытанікам) Кафэшкі, крамы. Прыйшоўшы, мы адразу заваліліся спаць, таму дасьледвалі палубу ўжо ў дзьве гадзіны ночы і ніхто нам не перашкаджаў)

Далей будзе справаздачка пра Стакгольм.

Muse - Ховет, Стакгольм

2009-10-28T23:41:39Z

Вось і паярталіся мы з нашага восеньскага трыпа) Як і чакалася, само падарожжа апынулася нашмат цікавейшым за канцэрт, але і ён не расчараваў. Ніколі не глядзеў жывых выступаў мьюсаў, але чуў пра іх феерычнае шоў. Зараз пабачыў ужывую. Набываючы квіткі ў жніўні на кастрычнік, мы атрымалі толькі седзячыя месцы, але я амаль не шкадую: у агромністым натоўпе на танцполе я наўрад ці б што ўбачыў) Праўда, на якім беларускім мерапрыемствы туды б маглі прадаць яшчэ квіткоў трыста - месца ж заставалася.

Разагравалі гледачоў дзіўнаватыя The Horrors, якія хоць і граюць даволі цікавую музыку, гучалі зусім страшна і балюча для вушэй і галавы. А вось Muse гучалі і выглядалі вельмі добра. Лазеры, экраны, што езьдзяць, музыкі па іх бегаюць) Шоў сапраўды было клясным, на такое варта схадзіць нават калі ты ня любіш такую музыку. Калі ў пачатку канцэрта музыкі падымаюцца над сцэнай на вялікіх кубах з экранамі пад гукі першай часткі сімфоніі з апошняга альбому, захапляе подых. Канешне, апошні альбом не паказаў нічога неверагоднага, згралі з яго ня ўсё й пару песьняў, якія мне не падабаюцца. Але было і шмат гітоў. Я жадаў зьняць на здымач УСЁ, але недзе пасьля New Born сеў акумулятар) Страшнаватай якасьці некалькі фотаў можна паглядзець пад катам.

Гралі мьюсы каля дзьвюх гадзін і не выходзілі на біс. Пасьля пяці альбомаў цяжка выконваць на кожным выступе ўсе ўлюбёныя гледачамі песьні, там буду спадзявацца патрапіць на іх яшчэ калі-небудзь)

zap4ick @ 2009-10-21T00:04:00

2009-10-20T21:04:39Z

Абіраць негвалтоўны супраціў з-за расчараваньня ў гвалтоўным, любові да люзей, іншых ідэйных ці рэлігійных перакананьняў - гэта адное. Кічыцца ж паўсюль негвалтоўным супрацівам проста з адсутнасьці адвагі пайсьці на гвалтоўны - іншае.

А мяне так і не перапісалі :(

zap4ick @ 2009-10-18T18:04:00

2009-10-18T15:03:51Z

чаму крутыя панк і постпанк банды як крутыя панкі ня езьдзяць по забытых богам і шоўбізам краінах тыпу нашай?

you are what you eat

2009-10-18T00:34:00Z

У апошні час забываюся на імёны, назвы, цытаты, нават словы. Жнівень і палова кастрычніка праляцелі як імгненьне. Спадзяюся гэта нешта часовае, а не дыягназ. Маці прасьцірнула флэшку, тая апынулася жывучай. Перад Muse будуць граць The Horrors. Google Picasa пратрымалася на кампутары трошкі больш за чатыры гадзіны. Праглядзеў усе дасягальныя Breaking Bad, How I Met Your Mother і Flashforward і стос розных фільмаў. Можа быць, сайт калі-небудзь стане хоць трошкі працоўным і сур'ёзным. Новы альбом You Say Party! We Say Die! нечакана ціхі і ўвесь зь сябе "пост". Праз тры тыдні майму жж пяць год, праз тры месяцы мне 20.

zap4ick @ 2009-10-15T01:42:00

2009-10-14T22:42:37Z

Адзін тыдзень у жніўні я карыстаўся такім вось агрэгатам)

весьці з палёў

2009-10-11T11:30:02Z

6га лістапада ў Менску Дэльфін, 27га - Lumen, а 8га сьнежня ў Менску можа апынуцца Guano Apes (!!!!!), хоць я ў гэта і ня вельмі веру.

Год, канешне, яшчэ ня скончыўся, але падумалася, што ў пляне галоўных рэлізаў 2009ы стаўся правальным. Адні сыйшлі ў сінтэзатары, другіе ў марконтасьць. Arctic Monkeys, Dolores O'Riordan, Placebo, Marylin Manson, Muse, She Wants Revenge, можна шчэ ўзгадаць Сплін і Ляпіса Трубяцкога, а цяпер і Editors. Парадавалі мо толькі Franz Ferdinand, у агульным жа вартыя ўвагі новыя і не такія вядомыя назвы, кшталту Ghinzu і White Lies. Застаецца спадзявацца, што яны ў свой час ня скуксяцца, але тэндэнцыя відавочная.

Хачу іпод на 32гб..

zap4ick @ 2009-10-06T23:08:00

2009-10-06T20:08:15Z

LISP - пэўна, другая самая страшная рэч, якая здаралася (і здараецца) са мной за час маёй адукацыі. Першай была электратэхніка на першым курсе) У вачох жаночай паловы групы сьляпы адчай.

Затое ў маім пакоі зьявіўся трэнажор о_О

zap4ick @ 2009-10-02T21:53:00

2009-10-02T18:53:04Z

Сутыкнуўшыся ў які раз з гэтым, правёў паўдні ў пошуках і так і не знайшоў дзе можна нармальна набыць вэбмані ці неяк іншымі шляхамі аплаціць хостынг. Канстатую факт: з вэбманямі і ўвогуле інтэрнэт-валютамі ў Беларусі поўная катастрофа.

Увогуле, павінна ж быць якая галоўная сыстэма набыцьця вэбманяў праз віза-картку? Першы ў гугле сайт зроблены аўтарамі "Вэбмані ў Жытоміры".

строчки стёртые

2009-10-01T23:40:10Z

Натуральна, але мае сны куды цікавейшыя й сьмялейшыя за навакольную рэчаіснасьць. Фрустрацыя ад знаходжаньня ў гэтай краіне, адсутнасьці грошай, часу, жаданьня нешта рабіць і наяўнасьці шэрагу нявырашаных справаў, які становіцца ўсё больш з кожнай гадзінай. Шчымлівая салідарнасьць з восеньню, але і яна хутка скончыцца.

Аахэн, 24га жніўня.

спам паўсюль

2009-09-27T14:25:57Z

проста феерычны капец. закалебаўся выдаляць гэтую херню са сваіх камюніцяў.

zap4ick @ 2009-09-26T02:31:00

2009-09-25T23:31:25Z

У Беларусі тыдні нямеччыны, а ў Доме Кіно - нямецкага кіно. Сёньня бачыў Wir Sagen Du! Schatz, хачу схадзіць на шчэ што-небудзь. Тамушта ~~восень, верасень, панядзелак, ранак~~ вось задворкі Эссэна ў першы дзень восені.

нервно курящие молча глядят в пустоту

2009-09-23T23:17:04Z

at first she was spellbound
hanging on his every word
every touch perfect
she could kiss him all night
but he's no longer the bad guy
now he's just her boyfriend
she doesn't know how to tell him
MY DEAR, THERE'S BEEN A CHANGE OF PLANS

Канцэрты гуртоў, якіх больш-меньш можна слухаць, праводзяцца толькі ў працоўныя дні, бо ў выходныя клюбы і так знойдуць людзей на гоп-дыскатэчку. Хацеў напісаць нешта пра дэградацыю грамадства і ў асаблівасьці сталага пакаленьня, але забыўся на нагоду.

Калі вы ня слухалі новы альбом Спліна, лепш не рабіце гэтага. Мала якія гурты могуць запісваць кожны альбом усё горшым і горшым і не развальвацца, а калі Васільеў пачынае завываць свае ооо-оооооў, хочацца выдаліць і ўсе старыя запісы. Затое She Wants Revenge, у асаблівасьці першы альбом, - гэта вельмі класна. Праўда, можа з-за іх я ўжо колькі дзён злы і нэрвовы.

zap4ick @ 2009-09-21T00:53:00

2009-09-20T21:53:06Z

Праспект перакрыты і ператвораны на колькі дзён і начэй у пешаходны. Народ тусіць і фотаецца. Але, праўда, зь менскім асьвятленьнем і насычанасьцю рознымі кафэшкамі вуліца ня вельмі падобная на галоўныя пешаходныя вуліцы вялікіх гарадоў сьвету. Затое клюб Цэнтр цежыць вушы шпацыруючых адсоткаў папсой некалькігадовай даўніны. З другой зьменай і маім рэжымам сну я кожны дзень сплю, сяджу на парах і хаджу па гэтай незалежнасьці. А потым сплю.

Нейкі час таму, мо з-за таго, што я ніяк ня мог вырашыць, атаясамляю я сябе зь імі ці не, у маёй галаве вярцеліся радкі "В этом мире больше нечего ловить" і "Я не знаю, что лучше, рок-н-ролл или секс". На аўтараў першага я патрапіць яшчэ раз, прынамсі, у гэтым годзе, не змагу, ды і граюць яны зараз нейкі ацтой, а аўтараў другога так не пабачу, напэўна, ніколі. Бо таксама скаціліся ў лухту.

А тут я прадаю колькі дыскаў.

zap4ick @ 2009-09-07T13:30:00

2009-09-07T10:30:56Z

А ну і яшчэ ў мяне першыя кедзікі. Вялікія насы тру, а канверсы ідуць лесам)

zap4ick @ 2009-09-07T10:42:00

2009-09-07T07:42:32Z

Важная антрапалягічная ідэя розных галівудскіх фільмаў, вялікіх раманаў ды ўвогуле філязофіі - тая, што за здольнасьць чалавека кахаць яму прабачаюцца здольнасьці ненавідзець, забіваць і весьці войны. Але, у сутнасьці, каханьне да адной асобы само сабою мае на ўвазе канфрантацыю з усім астатнім чалавецтвам. Грамадская дамова зьмягчае жарсьці, але калі воўк ірве лепшы кусок для сваёй сям'і, ён - вораг астатнім ваўкам.

cant stop growing old

2009-09-06T13:19:49Z

Рок за Баброў апынуўся даволі вяленькім. Дождж, маленькая сцэна, адсутнасьць піва. Калі б я яшчэ пасьпеў на маўзэраў ці дзяцей) А так паглядзеў аднім вокам Цюбсаў, паслухаў безбілетаў і жморсаў (я б сапраўды жадаў паглядзець на тых, хто б паехаў у такі дождж глядзець на гэтых абодвух). Маштабы сапраўды нагадвалі дзіцячы ранішнік). Затое пад ОЕ прабіўся амаль пад самую сцэну: мой скіл натоўпапрацісканьня хутка дасягне неверагодных памераў. Гледачоў, на жаль, паставілі вельмі далёка. Увогуле дзіўна, чаму ўва ўсіх нармальных краінах ахоўваюць сцэну і сочаць за ўсім секюріці, якія ведаюць сваю працу і атрымліваюць за гэта грошы, а ў сінявокай усё і паўсюль аддаюць мянтам і ваякам, у якіх толькі зорачкі і да-каго-небудзь-дакалупацца ў галаве.

Асабліва і не чакаў, што Океан Ельзи будзе граць песмьні з першых альбомаў, таму вельмі й не расчараваўся.Аднак старога згралі таксама, часа у нейкіх дзіўных аранжыроўках. Можна ставіць птушачку ў любімых гуртах якіх я пабачыў ужывую) Вакарчук мілы, ужо старанькі і жудасна падобны на майго бацьку о_О.

Увогуле, старасьць - не радасьць...

lucid dreams

2009-09-02T22:50:11Z

Што я больш за ўсё не люблю ў паездках аўтобусам (акрамя ўласна людзей навокал і іх жыцьцядзейнасьці) - доўгія прыпынкі. Калі трэба ехаць, а ты сядзіш і чакаеш тых, хто едзе кудысьці толькі каб па шляху набіць і спустошыць страўнік. Расейцы, што заўсёды камэнтуюць беларускую рэчаіснасьць і разьзяваюць рот на блеватэку. Хаця агулам Беларусь насамрэч выглядае папрывабней раздалбанай Польшы.

Канешне ўныла ў вас тут. Каб разварушыцца, можаце паслухаць рынгтон, які стаіць у мяне на некаторых асабліва эмацыйный людзей: Dir en grey - Red Soil (1 мб).

insert new coin

2009-08-27T11:31:40Z

Ад свайго вершаплёцтва мяне самога прабівае на ржач. Але ад лажовых альбомаў ляпісаў і далорэс проста сумна. Як і глядзець на файныя ліцэнзійныя дыскі, якія хочацца набыць усе, і кацэрты колдплэя ў суседнім горадзе. Лепш пачытайце справаздачу з першага дня пукелпопа, якую пішуць мае эстонскія сябры. Я думаў, гэта я напісаў агромны пост)

Мой ноўт працуе свае апошнія дні, раскручаны, скрыпіць і стучыць усё ў ім. Пратрымаўся б яшчэ чатыры дні, а там я ўжо павяртаюся ў краіну з 70% беларускіх тавараў у крамах і пакой з белай стольлю.

zap4ick @ 2009-08-26T20:47:00

2009-08-26T22:22:18Z

Я б мог перапісаць былыя вершы:
Усё шчэ больш, мацней, наноў,
Ды ведаю, што я даўно ня першы,
Хто для пачуцьцяў не знаходзіць слоў.

І, пэўна, тут ужо канец
Далей - ні лтар, ні радкоў, ні знакаў
Сэрцам і думкамі хаця б жадаў пасьпець
За рухам содняў, кілабайтаў й мапаў

Нарэшце моцна верыць і чакаць
Нарэшце ведаць, бо інакш няможна
Кахаць.. нарэшце, і ў сваіх вачах
Несьці радок нявыказаны кожны.

Кёльн, 4.8.2009